Egunean hamaika biderrez begiratzen dut emaileko sarrera postontzia. Ezusteko mezuek zirrara polita sortzen didate. Eta berotasun horrek gogotsu astintzen ditu barrutiak! Beno, ez beti. Zenbaitetan, ez dakit nola baina askotan spamera zuzenean bidaliko nituzkeen mezuak jasotzen ditut ere. Lagun batek azaldu zidan mezuan bertan, behealderantz letra txikiz badagoela esatea ez duzula gehiagorik jaso nahi. Eta horrela, horiek ez, baina bestelako kateen edo propaganda modukoak jasotzen ditut, holakoek ez dute inolako zirrararik sortzen, aspergarriak suertatzen zaizkit. Oso. Ni eta teknologi berrien erabilera kaxkarraren eredu. Ez zen horrela izan aurrekoan emailean sartu eta Amaia Lekunberriren mezua jaso nuela ikusi nuenean. Teknologi berrien erabileraren ondorio ederra. Hau poza! Zer eta Argia aldizkarirako elkarrizketa egitea proposatzen zidan. Ondo begiratu nuen, mezua niri zuzenduta zegoen, egun horretako top-ten emailetik, lehenengoa!
Eta horregatik guztiagatik, hemen elkarrizketa:
Eskerrik asko @amaialekunberri! Eskerrik asko @Argia!
